Хойд Солонгос агаарын довтолгооноос хамгаалах шинэ пуужин туршжээ

Хойд Солонгос шинээр зохион бүтээсэн агаарын довтолгооноос хамгаалах пуужингийн системийг туршиж, мөн далавчит пуужингаар цохилт өгөх сургуулилалт явуулсан мэдээллээ.

Уг туршилтаар шинэ материал, олон төрлийн чиглүүлэх технологи ашигласан пуужингийн техникийн үзүүлэлт, найдвартай ажиллагааг баталгаажуулсан байна. Мөн бай илрүүлэх, дагаж мөрдөх чадварыг шалгажээ.

Үүнээс гадна БНАСАУ-ын зүүн бүсэд байрлах холын зайн стратегийн далавчит пуужингийн ангийн нэгж лхагва гарагт сургуулилалт хийж, хийсвэр нисэх буудлын байг амжилттай онилсон байна.

Тодруулбал, Пёньян зүүн эргийн Сондок бүсээс тэнгисийн чиглэлд хэд хэдэн пуужин харвасан гэж Сөүл мэдээлсэн юм. Энэ нь сүүлийн нэг сарын хугацаанд БНАСАУ-аас хийсэн дөрөв дэх зэвсгийн туршилт болж байна.

Ройтерс агентлагийн албан ёсны зөвшөөрөлтэй ашиглав.

Эх сурвалж: Reuters