Люксембург нийтийн тээврээ "үнэгүй" болгосон анхны улс боллоо
Баруун Европын Люксембург улс нийтийн тээврээ үнэгүй болгосон анхны улс боллоо. Нийт 2,586.4 км2 талбай, 602 мянган хүн амтай тус улс нь дэлхийн хамгийн чинээлэг орнуудын тоонд багтдаг юм. Нийтийн тээврээр иргэд үнэгүй зорчихын тулд тус улсын засгийн газар жилд 562 сая ам.долларыг зарцуулах тооцоо гаргаад байгаа аж. Ингэснээр, Люксембург улсын иргэд гуравдугаар сарын 1-ны өдрөөс эхлэн нийтийн тээврээр үнэгүй зорчих боллоо.
