Коронавирус дэлхийн 188 оронд тархаж, 47 орон халдваргүй хэвээр байна
Дэлхий нийтийг сандралд оруулаад байгаа COVID-19 тахал 188 улс, алслагдсан нутаг дэвсгэрүүдэд тархаад байгаа бол вирусын халдвар тархаагүй 47 улс үлдсэн байна.Халдвар тархаагүй улс орнуудыг авч үзвэл ихэвчлэн Номхон далайн арлын болон Африк тивийн орнууд байгаа юм.
Тухайлбал Азийн 48 улсаас Мьянмар, Йемен, Хойд Солонгос, Сири, Тажикистан, Лаос, Туркменистан гэх 7 улсад халдвар бүртгэгдээгүй байгаа юм. Харин Африк тивийн 54 улсаас 12-д нь бүртгэгдээгүй байгаа бол Номхон далайн арлын 14 орноос 10-д нь тархаагүй байна. Америк тивийн 35 улсаас Белиз, Гренада, Доминика, Сент Киттс ба Невис улсад коронавирус илрээгүй байгаа юм. Мөн 14 алслагдсан нутаг дэвсгэрт халдвар бүртгэгдээгүй байна.
