Бээжинд буух олон улсын нислэгүүд шинэ горимоор зорчигч тээвэрлэнэ
Бээжин хотод буух олон улсын нислэгийг нислэг үйлдэж буй агаарын тээврийн компаниас хамааран 12 нисэх буудалд буулгаж, зорчигчдыг шалган нэвтрүүлэхээр болжээ. Учир нь сүүлийн үед БНХАУ-ын хэмжээнд COVID-19 халдварын тохиолдол гадаадаас ирж буй иргэдээс илэрч байгаа гэнэ. Агаарын тээврийн компани | Шилжүүлэн буулгах нисэх буудал |
Air China (CA) | Тянжинь, Шижяжуан, Хөххот, Шэньян, Далянь, Шанхай, Чиндао, Жөнжөү, Ши-ань |
China Southern Airlines (CZ) | Шэньян, Жинань |
Hainan Airlines (HU) | Тайюань |
Emirates (EK) | Шанхай |
Etihad Airways (EY) | Ши-ань |
Ethiopian Airlines (ET) | Тайюань |
Korean Air (KE) | Чиндао |
Aeroflot (SU) | Тянжинь |
Asiana Airlines (OZ) | Далянь |
Malaysia AirAsiaX (D7) | Жөнжөү |
Thai Airways International (TG) | Шижяжуан |
Singapore Airlines (SQ) | Наньжин |
Олон улсын нислэгээр очиж буй зорчигчид эрүүл мэнд болон хил, гаалийн үзлэгт хамрагдаж, ачаагаа хүлээн авч, эрүүл мэндээр тэнцсэн зорчигчид хуваарьт нислэгээрээ Бээжин хот руу нисэж, олон улсын нисэх буудалд буусны дараа зорчигчийг өөрийнх нь зардлаар 14 хоног тусгаарлахаар болсон байна. Харин агаарын тээврээр очиж буй ачааны хувьд гаалийн үзлэг, бүрдүүлэлт Бээжин хотод буусны дараа хийгдэх юм байна.
Бээжин хотоор дамжин нисэж буй зорчигчдын хувьд зорчигчийг нисэх буудлаас гаргахгүй байхаар зохицуулж, нисэх буудлын дамжин өнгөрөх хэсгийн хоолны газрууд болон дэлгүүрүүд ажиллахгүй байгаа тул зорчигч шаардлагатай хүнсний зүйлээ өөрөө бэлтгэх хэрэгтэй гэнэ.
Монгол, Хятадын хилийн хөдөлгөөнийг түр зогсоосон тул манай улсын иргэд БНХАУ-аар дамжин нутаг буцах зорилгоор дэлхийн бусад улсаас Хятад улс руу хийгдэж буй нислэгээр зорчих боломжгүй билээ.
