Истанбулаас ирсэн зорчигчдын ачааг өгнө

Истанбул-Улаанбаатар чиглэлийн тусгай нислэг гуравдугаар сарын 19-нд хийгдсэн. Тухайн нислэгээр ирсэн зорчигчдын тээшийг өнөөдрөөс олгож эхлэхээр болжээ. Зорчигчид тээшээ иргэний үнэмлэхийн хуулбар, тээшийн дугаар бүхий хуудастайгаа болон ачаа авах хүн өөрийн иргэний үнэмлэхийн хуулбарын хамт авах бөгөөд бичиг баримт дутуу бол тээшийг олгохгүйг МИАТ ХК-иас анхааруулсан байна.

Тус чиглэлийн нисэх онгоцоор ирсэн зорчигчид 14:00 цагаас Чингис хаан нисэх буудлын баруун талд байрлах Карго төвд очиж, 90565690 утсаар холбогдон тээшээ авах боломжтой юм байна.