Дэлхийн агаарын тээврийн салбар 84 тэрбум доллар алдах төлөвтэй байна
Олон улсын агаарын тээврийн холбооноос гаргасан саяхны нэгэн урьдчилсан таамаглалаар "Дэлхийн агаарын тээврийн салбар 2020 онд 84 тэрбум ам.долларын алдагдалд орох төлөвтэй байгаа бөгөөд харин 2021 онд нэмж 15 тэрбум ам.доллар алдах магадлалтай" гэх судалгаа гарсныг танилцуулжээ.2021 онд агаарын ачаа тээвэрлэлт, аялал жуулчлалын нислэгийн эрэлт огцом нэмэгдэх боловч зорчигч тээврийн аялал 2019 оныхтой харьцуулахад 30 орчим хувиар бага байх болно гэдгийг мөн тооцоолон гаргажээ.2008-2009 онд дэлхийн санхүүгийн хямрал болон нефтийн үнийн огцом өсөлттэй холбоотойгоор тус салбар нь 31 тэрбум ам.долларын алдагдалтай ажиллаж байсан нь хамгийн их уналтад орсон үе байсан юм. Үүнээс хойш коронавирусын цар тахал гартал ийм хэмжээний алдангитай байж үзээгүй болохыг Олон улсын агаарын тээврийн холбооны ерөнхий захирал Александре де Юниак хэвлэлийн бага хурал дээрээ онцолсон байна.
