Хоёр настай хүүхдээ цахимаар хэрхэн бүртгүүлэх вэ?

Засгийн газрын хуралдаанаар хоёр настнуудыг цэцэрлэгт хамруулахаар болсон. Бүртгэл ӨНӨӨДРӨӨС /2020.09.18/ энэ сарын 21-ний өдрийн 14.00 цаг хүртэл явагдана. Иргэн та цахим бүртгэлийг tsetserleg.ulaanbaatar.mn системээр бүртгэж, бүртгэл 14.00 цагт хаагдсаны дараа “Цахим элсэлт”-ийн үйл ажиллагаа 2020 оны 09 дүгээр сарын 21-ний өдрийн 16.00 цагаас цэцэрлэг бүр дээр зохион байгуулагдана.

Цахим бүртгэл, элсэлтийн үед БШУЯ-ны Боловсролын мэдээллийн төвийн 75778080 дугаарын утас ажиллаж, иргэдэд зөвлөгөө мэдээлэл өгнө. Мөн цэцэрлэг бүр дээр 2020 оны 09 дүгээр сарын 18-21-ний хооронд иргэдэд туслах ажилтан ажиллана.