УИХ-ын гишүүн С.Бямбацогтыг бүрэн эрхээс нь түдгэлзүүлж шалгана

   Хөгжлийн банкны зээлд холбогдсон гишүүдийг бүрэн эрхээс нь түдгэлзүүлж, шалгах асуудал яригдаж эхэлсэн. Тухайлбал дээрх асуудалд нэр холбогдсон 6-7 гишүүнийг бүрэн эрхээс нь түдгэлзүүлж шалгахаар Улсын ерөнхий прокурор санал гаргах гэж байна. Эл 6-7 гишүүний дунд УИХ-ын гишүүн С.Бямбацогт бий. Тэрбээр Хөгжлийн банкнаас өөрийн хамаарал бүхий "Вестерн Холд" ХХК-аар 28,025,380 ам.долларын зээл авсан. Уг зээлийг Ховд аймагт цементийн үнийг хямдруулах зорилготойгоор үйлдвэр барина хэмээн авсан аж.

Зарим зээлдэгч нар зээл авахдаа гишүүн болоогүй байсан хэмээн бултаж байгаа бол С.Бямбацогтын хувьд тухайн үед УИХ-ын гишүүнээр ажиллаж байсан нэгэн.

Тэрбээр Хөгжлийн банкны зээлд огт хамааралгүй гэж тайлбарлаж буй ч хамаарал бүхий компани нь уг зээлийг авахад хөндлөнгөөс нөлөөлсөн байж болзошгүй үндэслэлээр шалгагдаж байгаа юм. Удахгүй прокуророос УИХ-ын гишүүдийн бүрэн эрхийг түдгэлзүүлж шалгах саналыг их хуралд оруулна. Ингэснээр яаралтай горимоор буюу 24 цагийн дотор хэлэлцэн шийдвэрлэх учиртай юм. Ийм сургаар УИХ-ын гишүүд ГҮЙЛДЭЖ эхэлжээ.