Энэ сарын 11, 12-нд нутгийн ихэнх хэсэгт цаг агаар тогтуун, өдөртөө дулаан байна

Ирэх өдрүүдэд ихэнх нутгаар цас орж, бага зэрэг хүйтэрнэ

Цаг уурын байгууллагын мэдээлснээр энэ сарын 11, 12-нд ихэнх нутгаар цаг агаар тогтуун, өдөртөө дулаан байна.

Харин 12-16-ны өдрүүдэд баруун болон төвийн аймгуудын зарим нутгаар цас орж, зөөлөн цасан шуурга шуурах төлөвтэй байна. Мөн 13-нд нутгийн өмнөд хэсгээр, 14-нд говь, талын нутгаар салхи секундэд 12-14 метр хүрч ширүүснэ.

Температурын хувьд 13-нд баруун хойд нутгаар, 14-нд ихэнх нутгаар бага зэрэг хүйтэрнэ. Шөнөдөө Дархадын хотгор болон Завхан, Заг, Байдраг голын эхээр -21...-26 градус хүрч хүйтрэх бол говийн өмнөд хэсгээр -5...-10 градус байна. Өдөртөө ихэнх нутгаар -1...-11 градус хүйтэн, говийн өмнөд хэсгээр -1...+4 градус дулаан байх төлөвтэй байна.